Activities calendar

16 June 2015

Երք
16
Jun

Վախճանվել է MGM կորպորացրայի հիմնադիր Քըրք Քըրքորյանը

Քըրք Քըրքորյան  Ֆոտո` blogs.casinoz.me

98 տարեկան հասակում վախճանվել է ազգությամբ հայ ամերիկացի միլիարդատեր, բարերար և MGM կորպորացիայի հիմնադիր Քըրք Քըրքորյանը:

Գործարարի մահվան մասին լուրը հաստատում են ամերիկյան լրատվամիջոցները և MGM Resorts International-ը, որի բաժնետոմսերի մեծ մասը պատկանում էր Քըրքորյանին: Ըստ ամերիկյան ԶԼՄ-ների` Քըրքորյանը մահացել է Լոս Անջելեսում:

Քըրքորյանի կարողությունը, ըստ Forbes-ի, գնահատվում է 4,2 մլրդ ԱՄՆ դոլար: Նա զբաղեցնում էր ամերիկյան հայտնի ամսագրի աշխարհի ամենահարուստ մարդկանց ցանկում 393-րդ տեղը:

Երք
16
Jun

Պատգամավոր. ՀՀ քաղաքացիները ամեն օր վարչական «տեռորի» են ենթարկվում

Պատգամավոր Էդմոն Մարուքյան

Հայաստանում վարչական ակտերի քանակն աբսուրդի է հասնում՝ մոտ երեք միլիոն քաղաքացիներ ամեն օր վարչական «տեռորի» էին ենթարկվում: Այդ մասին այսօր Քաղաքացիական օրենսգրքում լրացումներ կատարելու շուրջ քննարկումների ընթացքում ԱԺ-ում հայտարարել է անկախ պատգամավոր Էդմոն Մարուքյանը:

Պատգամավորի խոսքով, տարվա ընթացքում ՀՀ քաղաքացիները տարբեր կառույցներից ստացել են մոտ 1.5 միլիոն վարչական ակտեր, որոնք տուգանքների վճարումներ են ենթադրում:

Երք
16
Jun

Հայաստանը վավերացրել է ԵԱՏՄ-ին Ղրղզստանի անդամակցության պայմանագիրը

ՀՀ Ազգային ժողովը հունիսի 16-ի արտահերթ նստաշրջանի ընթացքում վավերացրել է Եվրասիական տնտեսական միությանը (ԵԱՏՄ) Ղրղզստանի անդամակցության մասին պայմանագիրը: Փաստաթուղթը ստորագրվել էր մայիսի 8-ին՝ Մոսկվայում:

Փաստաթղթի ընդունմանը կողմ է քվեարկել 91 պատգամավոր, դեմ՝ 4-ը ("Ժառանգություն" խմբակցության անդամները և ՀԱԿ խմբակցության պատգամավոր Նիկոլ Փաշինյանը): Ձեռնպահները չեն եղել:

Երք
16
Jun

Դեսպան. Իրանի դեմ կիրառվող պատժամիջոցները դժվարացնում են Իրան-Հայաստան երկաթգծի շինարարությունը

Իրանում Հայաստանի դեսպան Արտաշես Թումանյան

Իրանի նկատմամբ կիրառվող միջազգային պատժամիջոցները դժվարացնում են Իրան-Հայաստան երկաթգծի շինարարությւոնը: Այդ մասին ՖԱՐՍ գործակալությանը տված հարցազրույցում նշել է Իրանում Հայաստանի դեսպան Արտաշես Թումանյանը:

«Խոսքը գնում է մի քանի հարյուր կմ երկարություն ունեցող երկաթգծի շինարարության մասին, իսկ դրա համար անհրաժեշտ են միլիարդավոր դոլարների ներդրումներ: Երբ լուծվի ֆինանսավորման հարցը, այդ ժամանակ էլ կկառուցվի այդ երկաթգիծը: Ակնհայտ է, որ միջազգային պատժամիջոցների ներքո գտնվող Իրանի համար ֆինանսավորել այդ ծրագիրն այժմ բավականին դժվար է», - նշել է դեսպանը:

Երք
16
Jun

Գյումրիում ռուսաստանցի զինծառայողին հնարավոր է սպանել են սպային մատնելու համար

Գյումրիում տեղակայված 102-րդ ռուսական ռազմաբազայի ժամկետային զինծառայողին հավանաբար սպանել են մատնության համար: Նախնական տեղեկություններով, զինվորի սպանության մեջ կասկածվողը նույն այդ զորամասի պայմանագրային զինծառայող է:

Ինչպես հայտնում է LifeNews-ը, հղում կատարելով իրավապահ մարմիններում իր աղբյուրներին, այս պահի դրությամբ մշակվում է այն վարկածը, որը Գյումրիում ռուսաստանցի զինվորի սպանության պատճառը հնարավոր է եղել է զորամասի սպաներից մեկի նկատմամբ մատնությունը:

Երք
16
Jun

Աբաշիձե. Վրաստանը հաշվի կառնի Թբիլիսիի ջրհեղեղի հետևանքների վերացման ՌԴ-ի առաջարկած օգնությունը

Զուրաբ Աբաշիձե և Գրիգորի Կարասին

Վրաստանի վարչապետի հատուկ ներկայացուցիչ Զուրաբ Աբաշիձեն հայտարարել է, որ ՌԴ արտաքին գործերի նախարարի տեղակալ Գրիգորի Կարասինի հետ այս շաբաթ նախատեսված իր հանդիպումը հետաձգվում է հուլիսի սկիզբ: «Մեր նախատեսված հանդիպումը կկայանա հուլիսի առաջին կեսին Պրահայում», - նշել է նա, փոխանցում է apsny.ge կայքը:

Երք
16
Jun

Թուրքիայի փոխվարչապետը չի բացառում նոր խորհրդարանական ընտրությունների անցկացումը

Ֆոտո` armedia.am

Թուրքիայի փոխվարապետ Բյուլենթ Առընջը չի բացառում երկրում նոր խորհրդարանական ընտրությունների անցկացման հնարավորությունը: Այդ մասին հայտնում է թուրքական Milliyet թերթը:

Առընջը նշել է, որ իշխող "Արդարություն և զարգացում" կուսակցությունը կանի ամեն հնարավորը կոալիցիոն կառավարություն ձևավորելու համար, սակայն չի բացառում նոր խորհրդարանական ընտրությունների անցկացում:

Երք
16
Jun

ՌԴ-ը Անկարային է փոխանցել "Թուրքական հոսքի" անցկացման կորդինատները

Ֆոտո՝ interfax.ru

Թուրքիան ՌԴ-ից ստացել է "Թուրքական հոսք" գազամուղի ցամաքային հատվածի անցկացման կորդինատները: Այդ մասին հայտարարել է Թուրքիայի էներգետիկայի և բնական պաշարների նախարար Թաներ Յըլդըզը:

«Նախորդ շաբաթ Գազպրոմը տրամադրել է գազամուղի մի հատվածի շինարարության կորդինատները՝ ի պատասխան մեր կողմից ուղարկված հարցման: Այժմ պետք է ստանալ նախագծի անցկացման նախնական տեխնիկա-տնտեսական հիմնավորումը: Կարծում եմ, որ այս շաբաթվա ընթացքում կարելի է սպասել կոնկրետ քայլերի այդ ուղղությամբ», - նշել է նա Sputnik գործակալությանը:

Երք
16
Jun

Հայաստանը չի մասնակցի Բաքվում կայանալիք քիմիայի միջազգային օլիմպիադային

Հայաստանի դպրոցականները չեն մասնակցելու հուլիսի 20-29-ը Բաքվում կայանալիք՝ քիմիայի 47-րդ միջազգային օլիմպիադային, քանի որ ադրբեջանական իշխանությունները չեն տրամադրել անվտանգության պետական երաշխիքներ:

Երք
16
Jun

Մովսես Հակոբյանը նշանակվեց ՀՀ զինված ուժերի գլխավոր շտաբի պետի տեղակալ

ՀՀ նախագահ Սերժ Սարգսյան և ՀՀ ԶՈւ գլխավոր շտաբի պետի տեղակալ Մովսես Հակոբյան    Ֆոտո՝ yn.am

Լեռնային Ղարաբաղի պաշտպանության բանակի հրամանատար Մովսես Հակոբյանը տեղափոխվել է Երևան և նշանակվել Հայաստանի զինված ուժերի գլխավոր շտաբի պետի՝ Յուրի Խաչատուրովի, տեղակալ: Համապատասխան հրամանագիրը հունիսի 15-ին ստորագրել է Հայաստանի նախագահ Սերժ Սարգսյանը:

Նույն օրը, Սարգսյանի մեկ այլ հրամանագրով գեներալ-լեյտենանտ Լյովա Մնացականյանը ազատվել է Հայաստանի զինված ուժերի գլխավոր շտաբի պետի տեղակալի պաշտոնից: