Activities calendar

15 June 2015

Երկ
15
Jun

Թբիլիսում ջրհեղեղի պատճառով զոհվածներից չորսը հայեր են

Թբիլիսում լույս կիրակի գիշերը տեղի ունեցած ավերիչ ջրհեղեղի պատճառով այս պահի դրությամբ մեկուկես տասնյակ զոհերից 4-ը հայեր են նույն ընտանիքից՝ Լիանա, Սվետլաննա, ժաննա և Դիաննա Եղիազարովաները։

Հայաստանի տարածքային կառավարման և արտակարգ իրավիճակների նախարարության ճգնաժամային կառավարման կենտրոնի պետ Հովհաննես Խանգելդյանի խոսքով, տեղաբնակ հայ կանանց դիերը հայտնաբերվել են Սվանիձե փողոցի մի տան մոտակայքում, հայտնում է Ազատություն ռադիոկայանը:

Երկ
15
Jun

Պուտինը ցավակցություն է հայտնել Թբիլիսիի ջրհեղեղի զոհերի ընտանիքներին

Ռուսաստանի նախագահ Վլադիմիր Պուտին

Ռուսաստանի նախագահ Վլադիմիր Պուտինը ցավակցություն է հայտնել Թբիլիսիի ջրհեղեղի զոհերի ընտանիքներին: Այս մասին տեղեկացրել է Պուտինի մամուլի խոսնակ Դմիտրի Պեսկովը, հաղորդում է «Ռիա Նովոստի» գործակալությունը:

Երկ
15
Jun

Լոզանսկի.Անիրատեսական է սպասել ռուս-ամերիկյան հարաբերությունների արագ բարելավում

Մոսկվայում Ամերիկյան համալսարանի նախագահ Էդուարդ Լոզանսկի  Ֆոտո` russiahouse.org

Այս պահի դրությամբ անիրատեսական է սպասել ռուս-ամերիկյան հարաբերությունների արագ բարելավման: Ցավալի է, բայց փաստ, որ այսօր այդ երկրների միջև հարաբերությունները, հնարավոր է, ավելի վատն են, քան խորհրդային տարիներին: Նշել է հայտնի հրապարակախոս և այլախոհ, Մոսկվայում Ամերիկյան համալսարանի նախագահ Էդուարդ Լոզանսկին The Washington Times-ի իր հոդվածում:

Երկ
15
Jun

Գալուստ Սահակյան. Էլեկտրաէներգիայի թանկացումը լուրջ ազդեցություն կթողնի ՀՀ տնտեսության վրա

ՀՀ ԱԺ նախագահ Գալուստ Սահակյան

Էլեկտրաէներգիայի սակագների բարձրացում տեղի կունենա, ինչը հիմնականում պայմանավորված է դոլարի համեմատ դրամի արժեզրկմամբ: Այդ մասին այսօր լրագրողների հետ զրույցում նշեց ՀՀ ԱԺ նախագահ Գալուստ Սահակյանը:

Դրա հետ մեկտեղ, էլեկտրաէներգիայի թանկացումը, ըստ Սահակյանի, կվատթարացնի քաղաքացիների սոցիալ-տնտեսական վիճակը և բավականին բացասական հետևանքներ կթողնի հայկական տնտեսության վրա:

Երկ
15
Jun

Թուրքագետ. Էրդողանը ստիպված է մոռանալ սահմանադրական բարեփոխումների մասին

Թուրքիայի նախագահ Ռեջեփ Թայիփ Էրդողան   Ֆոտո` russiapost.su

Թուրքիայում տեղի են ունեցել խորհրդարանական ընտրություններ: Իշխող "Արդարություն և զարգացում" կուսակցության համար նրանք դարձել են ամենաբարդը: Ֆորմալ առումով, "Արդարություն և զարգացումը" հաղթել է, սակայն նրան այդպես էլ չի հաջողվել ստանալ մեծամասնություն խորհրդարանում: Քաղաքական ուժը ստացել է 550 տեղերից ընդամենը 258-ը:

Երկ
15
Jun

Գյումրիում ռուսական ռազմաբազայի զինծառայողի սպանության գործով ձերբակալվել է նրա համածառայակիցը

Ռուսական 102-րդ ռազմակայանի զինծառայող Իվան Նովիկովի սպանության հետ կապված քրեական գործի շրջանակներում ձերբակալվել է նրա համածառայակիցը:

Այդ մասին լրագրողների հետ զրույցում հայտարարել է ռուսական ռազմաբազայի հրամանատարի՝ անձնակազմի հետ աշխատանքի հարցերով տեղակալ Ալեքսեյ Պոլյուխովիչը: Նա նշել է, որ նրանք չեն կարող հրապարակել ձերբակալվածի անունը: Այս պահի դրությամբ նրա հետ աշխատում են քննիչները՝նա ցուցմունք է տալիս:

Երկ
15
Jun

«Ռուսական երկաթուղիները» շտկում են դիրքորոշումը Իրան-Հայաստան երկաթգծի շինարարության վերաբերյալ

«Ռուսական երկաթուղիներ» ԲԲԸ-ի նախագահ Վլադիմիր Յակունին

«Ռուսական երկաթուղիներ» ընկերությունը ճշգրտել է իր դիրքորոշումը Իրան-Հայաստան երկաթգծի շինարարության նախագծի վերաբերյալ:

Օրերս «Ռուսական երկաթուղիներ » ԲԲԸ-ի նախագահ Վլադիմիր Յակունինը հայտարարել է, որ Իրան-Հայաստան երկաթգծի շինարարությունը զուրկ է արդյունավետությունը և համապատասխանաբար նաև հեռանկարներից: «Դա նույնն է, ինչ պատուհան բացել դեպի հարևանի տան պատը», - նշել է Յակունինը:

Երկ
15
Jun

Խավյեր Սոլանա. Իրանը ներուժ ունի հաղթելու «Իսլամական պետությանը»

Եվրոպական դիվանագիտության նախկին ղեկավար Խավյեր Սոլանա   Ֆոտո` telegraf.com

Եվրոպական դիվանագիտության նախկին ղեկավար Խավյեր Սոլանան հայտարարել է, որ Մերձավոր Արևելքի բոլոր պետություններից միայն Իրանն է իրականում պատրաստ պայքարել «Իսլամական պետություն» ահաբեկչական խմբավորման դեմ և ունի ներուժ դադարեցնել նրա գործունեությունը:

Այժմ "Իսլամական պետություն" խմբավորումը վերահսկում է Սիրիայի և Իրաքի տարածքների զգալի մասը:

Երկ
15
Jun

Վրաստանը Պանկիսիի կիրճում հատուկ գործողություն է իրականացնում "Իսլամական պետության" համակիրների դեմ

Վրաստանի ՆԳՆ հատուկ գործողություն է անցկացնում Պանկիսիի կիրճում: Այս պահին առկա տեղեկատվության համաձայն, ձերբակալվել է հինգ մարդ, ովքեր կապ ունեն տեղացիներին հավաքագրելու և Սիրիա ուղարկելու հետ:

Երկ
15
Jun

Թբիլիսիում պարզում են աղետի պատճառները և հաշվում վնասները

Ֆոտո` Reuters

Թբիլիսիում ավերածություններով և մարդկային զոհերով ուղեկցված բնական աղետի պատճառը հավանաբար սողանքն է եղել, որը փակել է Վերե գետի ձորը և ստեղծել արհեստական ջրամբար: Այդ մասին հայտարարել է երկրաբան Մերաբ Գապրինդաշվիլին:

«Այդ ջրամբարում կուտակված ջուրը կոտրել է արհեստական դամբան՝ իր հետ բերելով ճանապարհին պոկված ծառեր և քարակույտեր, ինչն էլ այդպիսի աղետալի հետևանքներ է առաջացրել քաղաքում», - նշել է Գապրինդաշվիլին: Փոխանցում է apsny.ge կայքը:

Արտակարգ իրավիճակիների շտաբ է ստեղծվել

Երկ
15
Jun

Սիրիացի փախստականների նոր հոսքն ուղղվել է դեպի Թուրքիա

Ֆոտո` anvictory.org

Թուրքիան սկսել է ընդունել փախստականների սիրիական Թել-Աբյադ քաղաքից, որտեղ զինված բախումներ են տեղի ունենում քրդերի և ահաբեկչական "Իսլամական պետություն" խմբավորման միջև: Փոխանցում է Ֆրանս Պրեսը:

Մինչ այդ նշվում էր, որ Թուրքիայի հետ սահմանին գտնվող անցագրային կետում գոյացել է 13.000 փախստականից կազմված հերթ, ովքեր փորձում էին ուժով անցնել սահմանը, իսկ թուրք ուժայինները ջրցան մեքենաներով նրանց հետ էին մղում: Գործակալության տվյալներով, տասնյակ փախստականներ սկել են հատել սահմանը Աքչակալեում, ևս մի քանի հազարը սպասում են իրենց հերթին Սիրիայում:

Երկ
15
Jun

Գյումրիում հայտնաբերվել է ռուսական ռազմաբազայի զինծառայողի դի

Գյումրիում հայտնաբերվել է երիտասարդ տղայի դի: Քննությամբ պարզվել է, որ երիտասրարդը102-րդ ռուսական ռազմաբազայի զինծառայող Իվան Նովիկովն է:

Հունիսի 15-ին` ժամը 09:30-ի դրությամբ ոստիկանության Մուշի բաժնում հաղորդում է ստացվել, որ Գյումրիի Մայր Հայաստան արձանի հարևանությամբ գտնվող տարածքում հայտնաբերվել է երիտասարդ տղայի դի:

ՍիվիլՆեթի հետ զրույցում ՀՀ Քննչական կոմիտեի նախագահի խորհրդական Սոնա Տռուզյանն ասել է՝ քննությամբ պարզվել է, որ երիտասարդը Գյումրիի 102-րդ ռուսական ռազմաբազայի զինծառայող Իվան Նովիկովն է: Նա նշեց, որ դիակի վրա կան վնասվածքներ:

Երկ
15
Jun

ԵԱՏՄ-ի հետ չկա անհամաձայնություն Երևան-Բրյուսել հարաբերություններ սկսելու հարցում. Վաչե Գաբրիելյան

Միջազգային տնտեսական ինտեգրման և բարեփոխումների նախարար, ՀՀ փոխվարչապետ Վաչե Գաբրիելյան   Ֆոտո՝ Photolure

Հայաստանը չունի հակասություններ Եվրասիական տնտեսական միության (ԵԱՏՄ) շրջանակներում Եվրամիության հետ հարաբերությւոներ սկսելու հարցում: Այդ մասին հայտարարել է Միջազգային տնտեսական ինտեգրման և բարեփոխումների նախարար, ՀՀ փոխվարչապետ Վաչե Գաբրիելյանը: