Activities calendar

14 June 2015

Կիր
14
Jun

Հայաստանը ցավակցում և աջակցություն է հայտնում Վրաստանին

Հայաստանի նախագահ Սերժ Սարգսյան

Հայաստանի նախագահ Սերժ Սարգսյանն ցավակցական հեռագիր է հղել Վրաստանի Նախագահ Գիորգի Մարգվելաշվիլիին՝ Թբիլիսիում նախորդ գիշեր տեղի ունեցած հեղեղումների հետևանքով մարդկային զոհերի, անհետ կորածների և ավերածությունների կապակցությամբ:

Հանրապետության Նախագահի մամլո ծառայութնա փոխանցմամբ, Սարգսյանն իր զորակցությունն է հայտնել նախագահ Մարգվելաշվիլիին և բարեկամ Վրաստանի ժողովրդին՝ սփոփանքի խոսքեր հղելով տուժածների և զոհվածների հարազատներին ու ընտանիքներին:

Կիր
14
Jun

Հայաստանն աջակցություն է առաջարկել Վրաստանին ավերիչ ջրհեղեղի հետևանքները վերացնելու համար

Հովիկ Աբրահամյան և Իրակլի Ղարիբաշվիլի

ՀՀ վարչապետ Հովիկ Աբրահամյանն այսօր հեռախոսազրույց է ունեցել Վրաստանի վարչապետ Իրակլի Ղարիբաշվիլիի հետ՝ Թբիլիսիում տեղի ունեցած ավերիչ ջրհեղեղի կապակցությամբ, որը բազմաթիվ զոհերի և ավերածությունների պատճառ է դարձել:

Հայաստանի կառավարության մամլո ծառայության փոխանցմամբ, Հովիկ Աբրահամյանը ցավակցություն է հայտնել Իրակլի Ղարիբաշվիլիին և առաջարկել հայկական կողմի աջակցությունը:

Վրաստանի վարչապետը շնորհակալություն է հայտնել Հովիկ Աբրահամյանին ցավակցության և աջակցության առաջարկի համար:

Կիր
14
Jun

Թբիլիսիում կոչ են արել բնակիչներին չլքել տները՝ գազանանոցից գիշատիչների փոխուստի պատճառով

Ֆոտո՝ xn--j1aidcn.org

Թբիլիսիում շարունակվում են փրկարարա-որոնողական աշխատանքները: Ջրհեղեղի հետևանքով տուժածների և զոհվածների թիվը ավելանում է: Վերջին տվյալներով, որոնք փոխանցում են վրացական լրատվամիջոցները, զոհվածների թիվը հասել է 11-ի։

Հորդառատ անձրեւը՝ կարկուտի եւ քամու ուղեկցությամբ, Թբիլիսիում տեղացել է կիրակի գիշերը։ Տարերքի հետեւանքով վնասվել են բնակելի տներ, ճանապարհներ, ենթակառուցվածքներ, հեղեղվել է կենդանաբանական այգին։